جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج أنا الشهيد…. 6 أكتوبر
سحر أبوالعلا
أنا الشهيد
ابنك يا مصر
اتولدت في حضنك
واتربيت من خيرك
لوني بلون ترابك
رضعت من نيلك
من صغري في تحية العلم
يا حبيبتي بغنيلك
بلادي بلادي بلادي
لك حبي وفؤادي
أنا الجندي ابن الجندي
اتعلمت ازاي احبك
ع ايد أبويا وجدي
جدي كان دايما يقولي
ارضك يا ابني هي عرضك
لو جاها في يوم عدو
تفدي ترابها بدماك
وكبرت على حبك يا بلدي
وجه الميعاد
يوم ما جه الصهيوني
وسولت له نفسه
ان حتة منك تبقى ملكه
وإنه يقدر على جيشك يا بلدي
بس مين ؟
قولي مين يقدر عليكي؟
واحنا فدا لرموش عنيكي
لو حد يفكر يعاديك.
بعد النكسة
وبعد سنين حرب استنزاف
جات يا حبيبتي اللحظة الحاسمة
وعلمك رفرف فوق الضفة
الله أكبر الله أكبر
تحيا مصر
قالوها جنودك
يابلدي فرحانين بالنصر
وانا كنت معاهم بنادي
روحي فدا ترابك يا بلادي
ووصيت من بعدي ولادي
لو شبر في ارضك يتمس
ارواحنا فداك يا بلادي.
سحر أبوالعلا
#السلطانة
