ألف وش

الف وش

بقلم :معتز عامر

للشجر الف انوع الف شكل الف منتج
و للرباح الف نوع و الف اتجاة
و للبشر الف وش

تقدر تشوف الشجر من بعيد او من قريب تحكم و تعرف كل تفصيلة عنة
و الهوا مجرد ما تحس بية تعرف اتجاهة و تعرف نوعة
لاكن البشر مستحيل تعرف وشوشهم من اول تعامل

الشجر من بعيد تقدر تعرف هيفيدك ولا يضرك
و الهوا من اول ما تحس بية بتعرف هيدفيك ولا يسقعك
اما البشر ف حدث ولا حرج

البشر كل وش بالف كلمة
البشر كل موقف بالف وش
تلاقي اللي حبيبك و صاحبك بس قدامك
و تلاقي اللي خانك و اللي باعك بس في ضهرك
تلاقي اللي يفرح في فرحك و بعدها لا حرج على من جرح
و تلاقي في حزنك اللي في وشك زعلان و ضهرك فرحان
تلاقي اللي يساعدك و ايدة في ضهرك
و اول ما تنجح بنفس الايد بتضرب ضهرك

تتعب تكسر تواجة تحارب
كل واحد ماسك سيفة و يقول باعلي صوت انا جنبك
و اول ما تبقى في المعركة و عدوك قدامك
تلاقية هو بسيفة جوة ضهرك

الوشوش كلها بتبان على خشبة
وخشبة المسرح يامة شالة وشوش
وشوش بتخاف بس مبتتكسفش
وشوش بتمثل و تتساهل جايزة
وشوش بتضعف و تمل
وشوش بتفرح و تحزن و تبكي الدم

الدنيا مسرح و يامة على المسرح هتقابل وشوش
الوش الوحيد في حياتك الحقيقي
وش ابوك و امك وش اخوك و اختك
الأصل واحد بس اما المزيف له ألف وش