جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
ولا تزعل
بقلم الشاعر
محمد تريكة تريكة
ولا تزعل من اللى سابوك
ولا تفكر مين اللى باعوك
ولا تحزن على الماضى
كفاية انهم خسروك ……………
كفاية عليهم الالقاب
وفاكرين انهم احباب
ولا يعدى عليهم يوم
تلاقيهم هباب فى هباب …………….
ولا تزعل على صاحب
فى لحظة ضعف ملقتهوش
عشان معرفتش تصاحب
ياسيدى كانك معرفتوش …………………
كفاية سيرتك بين الناس
وقلب بيعشق الاخلاص
والله ده ماكلام وخلاص
هاتشربوا من نفس الكاس …………………
من الليلة خلاص انسى
وعامل ناس تكون حاسة
بقلبك واللى موجود فيه
دى حاجة تتعمل قصة ……………………..
ولا تعامل وشوش حالكة
ولو تقابلهم فى السكة
كانك مش شايف طيفهم
وخليك ماشى فى السكة …………………..
ولا تعاتب ولا تسأل
وخليك انت فى الاول
ولا تشغل بالك بيهم
لا تلاقى حالك اتحول ……………………..
وفى اخر كلامى سلام
وبكرة حياتى تبقى تمام
خلاص راح انسى الاوهام
وابدأ احقق الاحلام …………………….
تحياتى محمد تريكة تريكة
