جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
بقلم / محمد العزازي
ايه اللي انا شفته معاك يامنيل
دانت سقيتنى المُر كاسات
هو انا حظى كان قليٌل
ولا عوره بين الستات
ولا يكنش هبله بريل
ولا وجهى كله عاهات
دانا لما كان الليل يليل
كانى بدر في السماوات
بس انا عارفه حظى منيل
زي حظ خالتى جملات
رد عليها جوزها وقال….
**********
احمدى ربك انى خدتك
خدت مصيبه من المصيبات
ولا تنسي ياروح خالتك
يوم ماجيتى ابويا مااات
وشك نحس يوم ماشفتك
بعت البيت والمفروشات
هوه انا ناسي ريحة عطرك
رشة جاز علي شعر ليفات
ولا ناسيه ياروح ستك
ان شخيرك تقسيم مقامات
فيه نهاوند وفيه كرد
وفيه بياتى من النغمات
روحى ياشيخه احمدى ربك
انى صابر ع العاهات
