جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج
بقلم ـ خالد أحمد
…………………..
راجعه ليه .؟. ندمانة !
خلاص .. أنا مش أنا
وأن كنت في يوم حبتكِ
خلاص اللي حبك مات
وقلبي قفلته ع الفاضي
وزمن الحب عدى وفات
…….
زمان كنت شاريكِ
وقلبي كله كان ليكِ
كنتِ بحكي لكِ كل أسراري
حتى ضعفي وانا معاكِ كان ليكِ
وعنكِ عمري ما كنت بـ أداري
حبي وشوقي وحناني
…….
فجأة دارت الأيام وكان تغير
والمخبي عندكِ بان بحقيقته بدون تقدير
وبعد ما كنا روح واحده بلا تفسير
خلاص قسمناها و بقينا روحين وبنسير
…….
عيوني أهي بـ تبكي من الفرحة
كشفتِ أخيراً حقيقة
كانت وراء الطرحة
بـ تبكي وتشكي وندمانة
ومن حبي ليكِ عطشانة
…….
أنا خلاص مش راجع
وحتى لصوتكِ مش سامع
اللي عدى خلاص عدى وفات
ومش راح يجي في يوم وتحي فيه اللي مات
…….
أوعي في يوم تلوميني
على بعدي وإحساسي
كنت غريب وانا جنبك مش ناسي
وعشت الغربة دي معاكِ وبقاسي
…….
خلاص خليها دي نهاية
قفلت باب قلبي مفيش راجعة
و مش راجع من ثاني يا ولهانة
نسيتك خلاص ونسيت كمان البداية
ونسيت كمان معاه حبك يا ندمانة
