جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج
بقلم ـ نشأت البسيوني
في كل لحظة بتحس إن الزمن بيجري حواليك وانت واقف كأنك مش جزء من اللي بيحصل كأن كل الناس ماشية قدامك وانت مكانك ثابت بتحاول تمسك حاجة تمسكها بس كل ما تقرب كل ما تختفي بين ايديك تحس إن الحياة صعبة إن الناس حواليك بيجروا وبينسوا وبيضحكوا وانت بتسأل نفسك ليه كل ده بيحصل وازاي كل حاجة ممكن تتغير فجأة من غير مقدمات من غير سبب واضح
وكل ثانية بتعدي بتحس إن قلبك مش قادر يواكب كل اللي بيحصل جواه مليان أفكار مليان أسئلة مليان أحاسيس بين الوجع وبين الفرحة بين الخوف وبين الشجاعة بين الفقد وبين الأمل تحس إن كل خطوة هتاخدها ممكن تغير كل شيء وكل قرار ممكن يكون بوابة لعالم جديد أو نهاية لعالم كنت فاكر إنه ملكك ومع كده تكتشف إن الحياة مش بس خطوات ومش بس أحداث الحياة
أعمق من كده الحياة جواها صمت جواها فهم جواها فرصة تتعلم فيها نفسك قبل ما تتعلم أي حد تاني تتعلم تحب نفسك تتعلم تحمي قلبك تتعلم تختار من غير ما تضحي بكل اللي عندك تتعلم إن اللي يجي لك من غير عناء هو اللي يستاهلك واللي يمشي من غير ما تتعلق بيه هو اللي ماكانش ليك أصلاً وتكتشف إن كل لحظة صمت كل دمعة كل فرحة صغيرة كل حزن كل صدفة كل موقف
كان بيجهزك للي جاي وبيعلمك قيمة اللي حوالك وقيمة قلبك وقيمة وقتك وتعرف إن كل اللي فات كان جزء من مسار روحك وإن كل تجربة مهما كانت موجعة كانت درس مش لعقاب وفي الآخر تلاقي نفسك واقف بعد كل ده مش عشان انت قوي بس عشان اتعلمت تتحمل عشان اتعلمت تصبر عشان اتعلمت تختار وتعرف تحط حدودك وتعرف تحمي قلبك من اللي ما يستحقوش
وتقدر تفرح من غير ما تنتظر موافقة حد وتقدر تحب من غير ما تضحي بنفسك وتقدر تبتسم وانت عارف إنك اتعلمت معنى الحياة الحقيقي مش في الناس ولا في الأحداث ولا في الممتلكات الحياة الحقيقي في سلام قلبك في وضوح رؤيتك في الصبر على نفسك في قدرتك على العطاء من غير ما تنتظر مقابل تكتشف إن كل اللي حصللك كان بيعدك للنسخة الأجمل من نفسك النسخة اللي تعرف
قيمتها واللي تعرف قوتها واللي تقدر تحمي روحها من كل وجع وكل خسارة وكل خيانة وكل غياب وكل صمت
