أخبار عاجلة

==== نسيت الميعاد ====

==== نسيت الميعاد ====
كان الميعاد إمبارح
معرفشي إيه نسَّاني
كان فكري معاه و سارح
ونساني شيطاني …
معرفش إيه العمل
علشان أروح وأراضيه
يمكن حبيبي يسامح
الشوق في قلبي زاد
بعد ما فات المعاد
ملهوف وعليا واضح ….
ياطريقي بلاش تِطَوِّلْ
الغلطه مني الأول …
فرحان وأنا لسه رايح
أومال لو شفتها …
وعيوني جت في عينيها
مهو قلبي حبها
ويعرف ازاى يراضيها
وأحكي ليها وأصارح
ياعطر الورد انت ِ
يا يسمينه وفل
جنة في الدنيا بمحبة
قمراية لما تطل
بقلب كبير تسامح
سامحيني يا أحلى وردة
طالب منكِ سماح
نفكر ف اللِّي جاى
وننسى كل اللِّي راح
وأملنا في بكرة طارح
بقلمي
صلاح شعبان الفيداوي

شاهد أيضاً

==== معلشي يا دنيا ====

==== معلشي يا دنيا ==== تأليف /صلاح شعبان الفيداوي معلشي يا دنيا سماح زعلان منك …