أخبار عاجلة

===== ناس تجيب الشلل =====

===== ناس تجيب الشلل =====
قدر الله
وما شاء فعل
لولا موزنبيق
كان يبقى زعل
الكورة تعاند فينا
ومذيع النحس اشتغل
نقصاك ياعم كفاية
راضيين مهما حصل
ستاشر ولا ثمانية
عارفين إننا جايين
مهما راح ووصل
دفاع ياعيني شربة
بيلعب هطل وهبل
وعم الشن كمان
واقف ف الجون تعبان
فقدنا فيه الأمل
راح واقف بديله بسرعة
لقاناه محمد أبو جبل
أمتى هنلعب كورة
بلعيبة مهياش مغرورة
يكونوا فريقنا البطل
مصرنا ميت مليون
بيحبوا الكورة بجنون
عايزين مدرب صاحي
مش ناس تجيب الشلل
بقلمي
صلاح شعبان الفيداوي

شاهد أيضاً

شكرا وطنا الاكبر

شكرا وطنا الاكبر ا / رمضان طه الهجرسي ___ شكرا وطنا الاكبر ارض وسما وحدود …