أخبار عاجلة

ماذا لو كنت حجر

ماذا لو كنت حجر
كتبت شيرين كمال
فهموك إن “الضربة اللي ماتموتكش تقويك” وفضلوا يقولوها لحد لما أقنعوك وبقيت تعيدها زيهم و تصبر بيها نفسك ..
بس ماحدش قالك عن الخوف المرضي اللي هتفضل عايش بيه عمرك كله .. خوف من الضربة اللي جاية واللي برضه مش هتموتك
مش هيحكولك إزاي هتفقد الثقة في الناس وفي نفسك وإزاي هيروح منك إحساس الأمان للأبد بلا رجعة
ماحدش هيقولك البرود اللي هيصيبك واللامبالاة اللي هتعيش بيها مش هيبقى فيه حاجه تفرحك ولا هيبقى في حاجه بتخلع قلبك من الحزن .. كله زي بعضه كله مؤقت و هيخلص
ماحدش هيقولك… بس هتعرف لوحدك إن ماحدش باقيلك و هتعيش لوحدك مهما كانت الزحمة بتحاوطك .. عارف إنه كله ماشي وهيخذلك و مهما طالت قعدته وبمجرد ما تيجي الضربة الجديدة هتستناها لوحدك ..
ماحدش هيقولك .. كله هيعاملك على إنك قوي و جبل يستحمل وأكتر كلمة هتسمعها “إنت قوي و هتستحمل” وخلاص بقي أمر مسلم بيه .. إنت بقيت حجر
إستحمل ياللي ماموتش من الضربة ..

شاهد أيضاً

الان وقد وصلت نهايتها

الان وقد وصلت نهايتها خالد السلامي ها قد وضعت بطولة أمم اسيا وكذلك أمم افريقيا …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *