جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
ليه عليا تدوسي
الشــريف_أحمد؏الدايم
تدوسـي ليه تدوسـي
تدوسي كمان وتدوسي
دايمـاً عايـش غلبـان
بتشـحتـيني فلوسـي
…
سـليت جسمي بشـهوره
والدمع عبأ بحــوره
لا عُمْلَتي بِالْيُـورُو
وَلَا عُمْلَتي بِالرُّوسِيِّ
…
وليلي نهاري في عذاب
ولا مره فرحك دق الباب
تحفري لي وردماني بالتراب
لما انقعلت اسناني وضروسي
…
ودايما اشوفك بتوزعي جوايز
وإللي تعطيه حظه فايز
انا بس اعيش وموش عايز
لا ميرفت ولا بوسـي
…
أشـوف الناس من بعيـد
إللي فرحان وإللي سعيد
لابسين الأبيض يوم العيد
وانا الأسـود ملبوسـي
….
اترجاكي سنين وشهور
وتقولي إبعـد غـوور
كل الخلق عايشة في نور
وانا الـ مطفي فانوسـي
…
لكن امتى قهرك ليا يروح
تعبني القلب والـروح
وكل ما داوي جـروح
تفتحي لي نوســي
وليه عليا تدوسي
الشريف_أحمد؏الدايم
