أخبار عاجلة

==== كنت الضحية ====

==== كنت الضحية ====
حِلهالي يابن أبويا
أعمل إيه في
الورطه ديه ؟؟
لما كنت
صغير وشلتك
وكانت الصحة عفيَّه
تيجي لما
العمر عدى
وجسمي تعبان
م اللي فيَّه
الصحة راحت
والظهر محني
دلوقتي عايز
تخلى بيه
الزمان عدا وفات
وكنت عايش
أصعب حياة
لأجل تتعلم وتكبر
وياما اشتغلت
شغلانات
وشفت فيها
كتير قسية
عيالي كبرت
مبقتشي قادر
وعشت معاكم
في الهم صابر
وكنت ليل
ونهار بأعافر
بس بقيت
أنا الضحية
يابن أبويا
مروءة منك
سبني لحالي
ابعدني عنك
لا الصحة زيك
ولا سني سنك
تبقى دي
أكبر هدية
بقلم:
صلاح شعبان الفيداوي

شاهد أيضاً

==== متى العيد ؟؟؟ ====

==== متى العيد ؟؟؟ ==== على مقربة من العيد ثلاثون ألف شهيد وحتما سيزيد وسبعون …