أخبار عاجلة

فى ليلة النصف من شعبان.. تامر حسنى يوجه رسالة من القلب لجمهوره..

فى ليلة النصف من شعبان.. تامر حسنى يوجه رسالة من القلب لجمهوره..
بقلم/ سماح عبدالغنى
كتب #تامر #حسنى بالنص على صفحته الرسمية بموقع التواصل الإجتماعى “فيسبوك” قائلًا:-
صباح الخير على أغلى الناس .. معلش بعد أذنكم أقرأوا كلامى للأخر…
(( نص شهر شعبان ))
من النهارده لبكرا اعمالنا بتترفع لربنا يعني كلنا نلحق نستغفر و نطلب من ربنا يسامحنا .. محدش يتخيل إنه عمل أخطاء كتير فمالوش عين يطلب لا لا لا مهما عملت أطلب حالاً وياريت لو نصوم بكرا أنا هعمل كده حد عنده شغل ياريت يفضى شوية وقت عشان يستغفر و يدعى كتير بقدر الامكان .. اليوم ده ليه سحر و انا جربته كتير قبل كده و هتحسوا في قلوبكم ان في حاجه اتشالت من عليكم و بقيتوا مبسوطين اكتر ،، ادعوا بكل اللي تتمنوه أوى أوى ..
فرصه لأى حد عمل ذنب كبير غصب عنه أو قاصد بس ندمان فرصه إن ربنا يسامحه دلوقتى بس نفتكره ونطلب منه، يلا يا جماعه من دلوقتى لبكرا أعتبرو أن ده يوم بسنه كامله وجايز بكرم ربنا يبقى يوم بحياتك كلها.. أجتهدوا فيه أوى من صلاه من تصدق من ذكر من دعاء من صلة رحم…
وختم النجم تامر حسنى قائلا:-
اليوم ده تقدر من خلاله تبدأ صفحه جديده مع نفسك و مع ربنا أوعى تحس انك بعيد و متسمعش كلام أى حد يقولك يا عم انت بتعمل و بتعمل قوله ملكش دعوه ليا ربنا هيحاسبنى مش إنت…. و نخلى عندنا يقين مش عادى ركزوا على كلمة يقين مش عادى إن ربنا سامعنا و هيستجيب لنا وهيحققلنا اللى بنتمناه واللى هيكون صالح لينا و هيسامحنا..
عشان تفرق كتير أوى لو تدعى وعندك يقين او معندكش بتفرق كتير أوى صدقونى ومتنسوش تدعولى معاكم بعد اذنكم محتاج دعواتكم جداً..
“هرمون السعاده”
وكتب أيضاً على صفحته الرسمية عن البومه الجديد قائلاً:-
دلوقتي بعد إنتهاء إصدار البوم
(هرمون السعاده) تقدروا تسمعوه كاملاً على جميع منصات الإستماع واليوتيوب.
نتمنى من الله مزيداً من النجاح والتوفيق…
و”كل عام وأنتم بخير “

شاهد أيضاً

وفاة الفنانة شيرين سيف النصر فى هدوء وسكينة…

وفاة الفنانة شيرين سيف النصر فى هدوء وسكينة… بقلم/ سماح عبدالغنى رحلت عن عالمنا الجميلة …