جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
…..(( فاكر و مذاكر ))….
د/عمر عبد الجواد عبد العزيز
حتي و هو عايش في الطين
في القلب ساكن حب و يقين
و فاهم و عالم طول السنين
مين الصالح و مين الطالح
و مين باع الوطن و الدين
حتي و هو عايش في الطين
فاكر ………..نصير الغلابة
و مذاكر.. مين قتل الديابة
و مين …..فتح للوطن بابه
لظلم و فساد …و قهر و أنين
حتي و هو عايش في الطين
عايش ………هموم . الوطن
آهات . ……..و حزن و محن
فارش ………… للأمل سكن
يداوي الأنين.. …….. بحنين
حتي و هو عايش في الطين
فاكر التاريخ ……….و مذاكر
و للجميل …. أبداً مش ناكر
و الوطن عمره ماكان عاقر
و فيه زي ناصر….. .. ملايين
حتي و هو عايش في الطين
عارف و متأكد. …. .و متابع
مين وزع علي الفلاح مزارع
و مين أنشأ . للعمال مصانع
و مين فتح جامعات و جوامع
تشهد له ………..يوم الدين
حتي و هو عايش في الطين
عارف مين حقق الإستقلال
و مين بني السد و أمم القنال
و مين قفل المصانع
……………….و شرد. العمال
و مين رجع ….. تاني الآمال
حارب الإرهاب و عمر جبال
……….و فرح قلوب ملايين
★★★★★★★★★★★★
د/عمر عبد الجواد عبد العزيز
