جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج
==== عيشوا الأمل =====
ما تقلشي عمري عدا وفات
عيش الأمل …..
النهارده وبكره
لسه ياما هتشوف حكايات
الدنيا فيها ياما حاجات
يوم تفرحنا
ويوم تجرحنا
وآهي بيتعدي
لحد ممات
بس الشاطر
يعيش فيها يومه
وينسى همومه
ويقول بكره
ينسينا آهات
ونفرح بيه
ونعيش غناويه
مع إن ليه
في قلوبنا حاجات
عايشين حامدين
شاكرين صابرين
داعين المولي
بعد الصبر ..
يكون جنات
بقلم:
صلاح شعبان الفيداوي
القاهرة
