جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
بقلم / إيمان النظامي
اد ايه بقي سهل علينا البذاءه وقله الادب قولا وفعلا!!!
بقي اسهل حاجه علي السنتنا الشتائم ،والخطأفي حقوق الاخرين ، والخوض في اعراضهم واصدار احكام مسبقه، ومطلقه علي اي انسانسواء نعرفه جيدا ام لا !!!
بقي سهل نهين اقرب ناس لنا ونسئ لهم وبدون ادني اهتمام بمشاعرهم وكرامتهم…
بالعكس كمان ده ممكن نكون مبنعملش ده الا مع الناس الي بتحترمنا وتقدرنا وبنأمن رد فعلها وانها مش هترد لنا الاساءه بمثلها!!!
بقي هزارنا وخناقنا باقذر الالفاظ..
بقت الروشنه وخفه الدم بالشتيمه بالاب والام ولو مقبلتش ده تبقي انسان معقد !!
بقي طول اللسان والعصبيه، والغلط في الكبير والصغير علامه للطيبه والتلقائيه!!!!!
وكونك بتحترم الناس وتكظم غيظك وتحافظ علي مشاعرهم معناه انك خبيث وبتداري!!!!!
مفاهيم كتير اتلخبطت، واتشقلب كيانها وسط ناس لا اتربت ولا فهمت في يوم معني للدين او الاخلاق…
ولا تعي معني ان يوجه الله اطهر خلقه ويقوله( ولو كنت فظآ غليظ القلب لانفضوا من حولك)
وانه سبحانه وتعالي ربط بين غلظه القلب وفظاظه اللسان والسلوك !!!
كي نعي ان الفظاظه لم تكن يوما دليلا علي قلبك الطيب، ولا حاجه!! بل علي العكس فانها دليل واضح علي سواده ومرضه، وانك لو كنتحقا تملك قلب سوي نضيف، عمرك ماكنت هتقدر توجع او تهين او تلقي بالاتهامات علي البشر دون دليل او بينه…
وهل يكب الناس في النار علي وجوههم الا حصائد السنتهم!!!!!
#لسانك لاتذكر به عوره امرئ
فكلك عورات وللناس ألسن
وعينك ان ابدت لك معايبا
فصنها وقل ياعين للناس أعين
شخابيط إيمان النظامي
