جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج
شجرة توت
صلاح سليمان
ولسه الشمس بالوفا
تدفي البيوت
وضي القمره بتنور
عتم السكوت
ولسه الناس الطيبين
عاشقه الحياة
واللي بيشتكي غربته
يحلم لقاه
ويقول وحشاني دنيتي
بااعلي صوت
ولسه علي الشبابيك
تظهر عشش الحمام
واللي معدي جنبنا
يرمي السلام
ولسه عزوه الجيران
تجلب عمار
والرزق مايل علي
البيبان
من شجرة توت
وهاتها جمايل يارب
شاعر الحارة المصرية
صلاح سليمان
