خليك شخص إيجابي

 بقلم / رحاب العرب

خليك شخص إيجابي  
طب يعنى إيه؟   
في حديث شريف بيقول معناه إللى يشوف حاجة غلط يغيرها بإيده ولو مقدرش يغيرها بلسانه يعنى ينصح اللى بيعمل الغلط ده ويفهمه الصح ولو مقدرش يبقى بقلبه يعنى يرفض الغلط ويبعد هو عنه حتى لو كل الناس بيعملوه  .

بمعنى إن الإنسان لازم يكون إيجابي ويحاول يبعد عن الغلط مش بس كده لكن كمان الإيجابية معناها انه ينشر الخير في المجتمع اللى هو عايش فيه .

مثلا ينضف حواليه بيته ميستناش حد يجى ينضفه  
ميرميش حاجة من عربيته وهو ماشى في الشارع 
يحاول يشارك في أي عمل خيري هو وأصحابه يكفل يتيم 
يحاول يعمل أي حاجة يفيد بيها بلده .

وأخيرا الإبتسامة مفتاح الإيجابية الإنسان لما يبتسم  الجسم بيعطى إشارة للعقل بأنه سعيد وده هيخليه أكثر إيجابية ومننساش نحاوط نفسنا بالأشخاص الإيجابيين .

كل دى صور إيجابية لازم كلنا نحاول اننا نشارك فيها 
إتفقنا هتكون شخص إيجابى ؟