حزن وفرح

حزن وفرح

بقلمي أنور مغنية

يا فرَح ..
من يوم ما افترَقنا
تصَارَحنا كتير انا ويَّاك

ولا مرَّة
إنتَ فَكَّرت تجيني
ولا أنا بيوم
كنت بستناك

يا فرح
لو شي يوم بتزورني
ولو بغلطة ومش برضاك
إنتَ بس تعَا
والله أنا كنت برعاك

بس يا فرح ما كنت تعرفني
لا إنت حبَّيتني
ولا أنا كان بَدِّي ياك

تعا يا حزن
الله يا حزن قديش حبَّيتك !!!
مِن كتر حرصي عليك
بالقلب خبَّيتَك

كنت بعرف زيارتك
مش كتير سهلي
يا ريتك طاوعتني
يوم أنا حاكَيتَك
ما كنت كتير عذَّبتَك
كنت ع درب القلب دلَّيتَك

يا حزن
قلبي كتير صار مشتقلك
يا ريت خبَّرتني
كنت أنا جِيتَك
يا ريت ردَّيت وسمعتني
وقت أنا ناديتك
إنتَ بس زورني
وبقول إنَّك جيت ع بيتك

أنور مغنية 15 01 2022