جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج
وحشتني والله لمتنا..
والقعدة وسط حتتنا..
والقهوة والدمنو وسيكة
وماتش جي لابو تريكة
بنشغلو قدام بتنا..
وحشتني والله لمتنا..
وحشتني قعدة طبلية..
ووافقة على ناصية حارة
بنت الجيران والملاغية
وسهرة حلوة وسنارة
وماتش كورة فالشارع
وجيران تشجع وانا سامع
وعمي لمعي بتاع الفول
لما اسمعه بيكون راجع
يقف يخبط على بيتنا
وحشتني والله لمتنا
دلوقتي نسأل برسالة
وكل يوم نعمل حالة
كل اللي بنا يدوب لايكات
ونشوف بعض في كومنتات
خلاص حياتنا بقت رومتات
ونسينا فعلا عشرتنا
وحشتني والله لمتنا
نتعرفوا بالشات والفيس
وانتهت بنا الاحاسيس
حتى كلامنا شكله رخيص
نشوفوا بس في رسالتنا
وحشتني والله لمتنا
والقعدة وسط حتتنا
والقهوة والدمنو وسيكة
وماتش كورة لابو تريكة
بنشغلو قدام بتنا
وحشتني والله لمتنا
وحشتني والله لمتنا
…
ايمن شتا
