أخبار عاجلة

تصريحات مثيرة للفنانة بسمه بوسيل لأول مره فى برنامج “ع المسرح”

تصريحات مثيرة للفنانة بسمه بوسيل لأول مره فى برنامج “ع المسرح”
بقلم/سماح عبدالغنى
كشفت الفنانة بسمة بوسيل خلال حوارها مع الإعلامية منى عبد الوهاب فى برنامج “ع المسرح” المذاع عبر قناة الحياة، للمرة الأولى عن أسباب إنفصالها عن الفنان تامر حسنى، والد أولادها الثلاثة، على الرغم من إستمرار علاقتهما فى الود حتى بعد طلاقهم..
وتحدثت قائله:- “الإنفصال بالنسبالى كان صعب، عشان خاطر أنا وتامر “بنحب بعض أوى كأشخاص غير كـزوجين” وهو غالى أوى عليا لغاية دلوقتى، بيسأل عليه وبيقولى عمله إيه؟ طمنينى عليكى؟ وعارف كل حاجة أنا بعملها”.
“أفعى” فى بيت تامر حسنى
وعن أتهامها لمديرة أعمال سابقة لتامر حسنى ليلة زفافها بأنها “خرابة بيوت” علقت قائلة:-
دى تستاهل، وده أقل حاجة، أنا بكره الغدر، لما أدخل وسط عائلة وأكل معاهم عيش وملح لازم يكون فى أمانة، مكنش فى أمانة، وأحترام للعيش والملح، الموضوع كان عامل زى ما تدخلى أفعى فى بيتك، بجد “أفعى”…
غيرتى وعصبيتى سبب مشكلات فى بعض الأحيان، وتابعت قائلة “مرة ألاقى تليفون بيجيلى وحد يقولى إن تامر فى مكان ما، رغم إنه كان نايم جنبى” وكل شوية كانت بتطلع إشاعات عن علاقات تامر النسائية، بس ده كان أمر متوقع.
وتحدثت بسمة بوسيل قائله:-
شكل وحياة تامر صعب ومتعب جدا، وفى النهاية لما تبقى متزوجة فعليكى واجبات لازم تعمليها، وأنا فى حاجات معينة كنت مش قادرة أعملها، وإحنا فعلا وصلنا لمرحلة كان عندنا مشاكل مكناش بنعرف نتكلم أو نتفاهم، وده كان مأثر علينا جدا.
ولما قلت إنى تحررت بعد الطلاق كان قصدي إنى تحررت من حاجات كثيرة كانت عاملالي ضغط
الطلاق وقع بعد وفاة أبى، ولم أكن متوقعة أبدا مسألة الطلاق إذ إنه كان “خضة” بالنسبة لى، كما خضعت والدتى لعدة عمليات، وأصبحت مسؤلة عن 3 أطفال .
مضيفة:- أن الطلاق كان بالنسبة لى بمثابة صدمة حادة بالمغربى “تروما”، أو بلغة المصريين “مصيبة” ولقيت إن اللجوء لله عز وجل، كان أسلم حل، “روحت 3 مرات عمرة فى سنة واحدة، وأجرى على الكعبة وأشتكى والحمد لله بقيت راضية”.
أكدت بوسيل “حققت أحلامى لما جيت مصر، ولقيت فيها حلم حياتى، وشهرة تامر حسنى كانت مستفزة ومخيفة بالنسبالى وكنت بخاف وأتهز نفسيا لحد يعمل فيا حاجة، وأخترته عشان حبيته وكنت عاوزاه يبقى أبو عيالى وضحيت بالغناء عشانه”
أوضحت بسمه قائله:- “أنا عصبية وبتأثر بالحاجة أكتر من أى حد، وعشت ضغط نفسى قبل زواجى، وصريحة مبعرفش أنافق، واللى يحصل يحصل”.
وتابعت قائلة:- “أبوبا فى آخر أيام عمره كان حزين عليا، وكان قريب جدا منى، وقالى نفسى أشوفك مبسوطة، ولو عايش دلوقتى هيشوفنى فى أسعد أيام حياتى، مشيره إلى أن حلم الرجوع لتامر حسنى هيتحقق أن شاء الله”..
نبذه عن “بسمه بوسيل”
بسمه بوسيل مصممة أزياء ومغنية مغربية معتزلة، شاركت فى الموسم السادس من برنامج ستار أكاديمى، حيث وصلت للنهائيات محتلة المركز الثانى، وهى الزوجة السابقة للمغنى تامر حسنى.
تاريخ الميلاد/ 10 مايو 1991
(العمر 32 سنة)،مكان الميلاد/ المغرب
الزوج/ تامر حسني (متزوج 2012–2023)
الأشقاء/ ياسر بوسيل، أسامة بوسيل
عدد الأولاد: 3

شاهد أيضاً

ريزان سعيد يبدأ رحلته فى إحياء التراث العربي

الفنان ريزان سعيد .. يبدأ رحلته في إحياء التراث العربي والكردي السوري بألبوم جديد   …