أخبار عاجلة

بكاء الفنان بيومى فؤاد ببرنامج “حبر سرى” فور ظهور صورة محمد سلام..

بكاء الفنان بيومى فؤاد ببرنامج “حبر سرى” فور ظهور صورة محمد سلام..
بقلم/ سماح عبدالغنى
حل الفنان بيومى فؤاد ضيفًا فى “حبر سرى” البرنامج على قناة “القاهرة والناس” تقديم المذيعة “أسما إبراهيم”..
وفور عرض صورة محمد سلام بكى بيومى قائلا:- “ربنا معاك”
أزاى متطلعش تدافع عننا، أزاى متطلعش تدافع عن محمد أنور وهو “ترشيحك” حقك عند ربنا أنا صدقتك جدًا وإنت قولت الفيديو بتاعك لا نفاق ولا رياء وأنا وجهة نظرى العبيطة عشان أنا راجل طيب، مكنتش هتخسر حاجة لو طلعت قولت أنا مقدرتش ومش معنى أنور قدر وراح يحصل معاه كده يا جماعة، خصوصًا أنك طلعت دافعت عن أمير كرارة لما طلعت إشاعة بتقول أن أمير مشاك من المسلسل بتاعه وإنت مكنتش معاه فى المسلسل طلعت دافعت، طلعت دافعت عن أحمد الجناينى لما طلعت إشاعة وأتشم بأهله طلعت دافعت ليه مطلعتش تدافع عن أنور مش عنى، كل يوم بسأل ليه، “العمر واحد والرب واحد يا أستاذ سلام ورزقك على الله، هى موتة ولا أكتر”.
العمر واحد والرب واحد لكل اللى شتمنى وكل اللي فهمنى غلط.. أنا غلط بس راجل”
“أعتذار”
وتابع: “أعتذر لكل اللى زعلوا منى من بعد الفيديو ده وبكرة تعرفوا الحقيقة، أعتذر لكل فريق مسرحية “زواج اصطناعى” علشان أتشتموا وأتهانوا بسبب الفيديو بتاعو، بأعتذر لمى عز الدين ودنيا سامى وإيمان السيد، مصطفى غريب، أنا آسف لأكون نسيت حد ومحمد محمدى وسليمان عيد ومحمد أنور، بس فيه بنات محترمات طالها شتيمة قذرة”.
وأكد الفنان بيومي فؤاد قائلاً:-
محصلش ضغط من الجانب السعودى عليا علشان أقول الكلام اللي قولته على المسرح، وناس من الجانب السعودى رفضوا أتكلم وقالوا ليه ومراتى كمان رفضت، بس أنا صممت أتكلم عشان انا كنت مولع وصممت أكتر علشان “محمد أنور” وبس.

شاهد أيضاً

أحمد العوضى وتصريحات ضرب نار فى برنامج “ع المسرح”

أحمد العوضى وتصريحات ضرب نار فى برنامج “ع المسرح” بقلم/ سماح عبدالغنى حل الفنان #أحمد …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *