جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
ايه حكاية
خالص بالص مالص؟
♕بدرى ابوخزيم ♕
عارفين ايه حكاية ..خالص …بالص..مالص
الفاطميون أول ناس بنوا سوراحول العاصمة في مصر الاسلامية، وكانت الفسطاط من قبلهم مدينة ملهاش أسوار لفترة طويلة. وكان الهدف الأساسي من بناء السور مش الدفاع عن المدينة وبس
لا
علشان يسيطروا علي مداخل المدينة فالتجار ميدخلوش ببضاعتهم الى الاسواق غير لما يدفعوا الضريبة!..
وكانت ابواب المدينة تفتح مع اول ما الفجر يطلع وتقفل بعد المغرب يوميا..
وقعد التجار يتجمعوا على الأبواب ويباتوا جنبها بالليل مستنيين لما تفتح الفجر
، وكان التجار منهم اللي يدفع الضريبة بالكامل، فياخد صك بأنه (خالص) الضرائب، وله ان يبيع بضاعته في اي سوق أو أي وكالة أو اي مكان يحبه
ومنهم اللي بيشوف ان الضرائب المفروضة كتيرة، فكان يعطي الجنود الواقفين على البوابة لكل واحد بلاص من العسل أو المش أو ماشابه ذلك.. فيسمح له الجنود بالمرور، ولما ييجي التفتيش يقولوا لبعضهم
اتركه فهو (بالص) يعني أعطاهم بلاص أو اكتر.
ومن التجار اللي كانت تجارته صغيرة متعديش حمولة حمار أو جمل واحد،
فكان يمشي بيها جنب القوافل اللي دفعوا الضرائب ويتهرب من الضريبة.. فلو شافه واحد من الجنود ماشي في شوارع المدينة يسألون: أهو (خالص)؟.. أم (بالص)؟؟…، فيرد عليهم واحد لا هذا ولا ذاك.. لعله (مالص)!.. اي تملَّص من دفع الضرائب!.. يعني تهرب من دفع الضرائب
فيروحو ليه ويطالبوه بتقديم صك الدفع!..
وبقت الكلمات دي بتستخدم بالعامية . خالص.. مالص.. بالص..
