أخبار عاجلة

====== امسك حرامي =====

====== امسك حرامي =====
ع الميه إيده ما بتعلم
يخطفها وقت ما بتسلم
ويقول سلام عقبال غيرها
شغال حرامي وبيستهبل
في قوت الناس وبيتحكم
زيت وسكر مالي مخازن
لكل قوت الناس عاين
ومعاه فلوس ملايين دولارات
وعامل نفسه ماهوش باين
بس على مين يا حرامي
ياسارق قوتي قدامي
علشان فلوسك متحامي
جايلك يوم فيه تتألم
وبصوا ع المعدن الاصفر
كل يوم سعره بيكتر
لما بقا فوق ف العالي
عارفينهم مين اللي مسيطر
امسكوهم الناس منهم تِسلم
حتى البصل كان فيه أزمه
كان باتنين وما لوش لزمه
مسكوا الحرامي وبالجزمه
علشان غيره يتعلم
عايزين بلدنا تتقدم
ونعيش حياتنا بخير و أمان
عن كل خاين نتكلم
أصل الأمانه من الإيمان
إن كنت فاهم للغير فَهِمْ
مصر تعلا وتتقدم
مفيش أغلى من الأوطان
بقلمي
صلاح شعبان

شاهد أيضاً

==== معلشي يا دنيا ====

==== معلشي يا دنيا ==== تأليف /صلاح شعبان الفيداوي معلشي يا دنيا سماح زعلان منك …