أخبار عاجلة

الفنان مصطفى شعبان ولقاء مميز فى برنامج “حبر سرى”..

الفنان مصطفى شعبان ولقاء مميز فى برنامج “حبر سرى”..
بقلم/ سماح عبدالغنى
حل الفنان مصطفى شعبان ضيف ببرنامج “حبر سرى” بقناة القاهره والناس تقديم الإعلامية أسما إبراهيم
قال الفنان مصطفى شعبان: “أحب أتجوز واحدة بحبها وما بتخلفش ولا إنى أتجوز واحدة مبحبهاش وبتخلف”.
“موقف صعب على مصطفى شعبان”
وأضاف خلال لقائه “إنى أعرف حد قريب منى أمتى هايموت أصعب من إنى أعرف ميعاد موتى أنا”.
“إنقاذ صديق”
وتابع مصطفى شعبان: “أصعب بالنسبة لى لما يكون ليا صديق مش عارف أنقذه أكبر ما يكون عليا دين مادى مش قادر أسدده، وأنا أصلا بابا أصحابى والأب الروحى ليهم”
“تقدم دور سيىء من أجل المال”
تحدث قائلاً:- “ممكن أقدم دور وحش جدا ولا إنى أكمل قاعدة فى البيت واللى حواليا هما اللى يصرفوا عليا، وأحاول أطلع حاجة حلوة من الدور الوحش، نفسى عزيزة عليا ومش ممكن أقبل إن حد يصرف عليا إحتياجاتى الأولية”.
وأشار: “آخر مرة أستلفت كان من والدتى من زمان أوى فى الفترة اللى كنت لسه بحاول أمثل والدنيا مكنتش مظبوطة فأخدت مبلغ كبير منها علشان أجدد العربية وسددت الدين”.
وأوضح مصطفى شعبان، أثناء حواره أن طبعه الهدوء معظم الوقت، وأكد قائلا:- بعيش حياتى كشخص طبيعى وبكره حياة النجومية وبتحرك فى كل مكان بحرية وبرحب بالتصوير مع الجمهور، وبلعب فى نادى الرماية ومش بروح مولات وبروح النادى والشغل والمزرعة وبطولات الخيل والرماية وبروح كل حتة وبقابل صحابى وبنتقابل فى كافيهات عادى..
وتابع:- أنا أكثر واحد بيستقبل المصائب بهدوء ومش بتوتر ولازم أسمع وأفكر براحة..
وأضاف مصطفى شعبان أن السوشيال ميديا لا يعتبر معيارا حقيقيا عن الشارع، وبقى فى واقع على السوشيال ميديا مش حقيقى ومزيف وأى حد يكتب أى حاجة، والفن هو اللى أفاد السوشيال ميديا أكثر من إفادته للفن، ولازم يكون فى ثقافة فى التعامل مع السوشيال ميديا وكله حسب ثقافة الناس.
مضيفا: “السوشيال ميديا فى منها صفحات مدفوعة تدعم وتهاجم وهى مش الحقيقة”.
وتابع: “اللى نقيس عليه مستوى النجاح الشركات وهى اللى نقيس عليها الشارع وشركات الإعلانات بترجع لشركات متخصصة فى العمل ده، وبتقول لهم فى إجماع الناس على نوعية المسلسل”
موضحا أن نجاح نجوم فى السينما ليس معيار للنجاح فى الدراما والعكس..
وجدير بالذكر أن أخر أعمال الفنان مصطفى شعبان مسلسل “المعلم” المعروض بموسم رمضان الحالى..

شاهد أيضاً

ريزان سعيد يبدأ رحلته فى إحياء التراث العربي

الفنان ريزان سعيد .. يبدأ رحلته في إحياء التراث العربي والكردي السوري بألبوم جديد   …