أخبار عاجلة

الفنانه ريم البارودى تكشف خبايا وأسرار لأول مرة ببرنامج “العرافه” على النهار

الفنانه ريم البارودى تكشف خبايا وأسرار لأول مرة ببرنامج “العرافه” على النهار
بقلم/ سماح عبدالغنى
حلت الفنانه ريم البارودى ضيفة ببرنامج “العرافة” تقديم بسمة وهبة والذى يعرض على قناة “النهار” طوال شهر رمضان.
قامت “بسمة وهبة” بعرض صورة تجمع “ريم” مع “ريهام سعيد” وقالت “بسمة” أنتوا كان بينكم وبين بعض قضايا وهاجمتو بعض كتير إزاى المشكلة خلصت؟”.
ردت”ريم البارودى”قائله:-
“مازال فيه قضايا بينا ومفيش عداوة تيجى بعدها محبة، واللى يقول كده يبقى كداب وإحنا بنمشي ورا أمثال غلط، دى أمثال قديمة ومينفعش يبقى فيه كره وفى عداوة وأنا بأذيكى وأنا بكرهك وبعد كده تيجى المحبة عمرها ما تيجى محبة، لكن فى محبة يجى بعدها كره وعداوة، جاءت لى عزا بابا عشان الكاميرات وعشان ريم البارودى تريند يعنى وكانت لقطة منها طبعًا”.
وأستكملت قائله:-
“لما تلاقى حد جايلك وداخلك عزا وإنتى فى وقت مش قادرة تفكرى لأن إلا الأب والأم بيبقى خلاص ضهرك أتكسر، ومبتفكريش اللى قدامك أذاك قد إيه أو حصل منه إيه، خلاص إنتى بتشوفى حد داخل عليكى فبتنسى ودى غلطتى، كان المفروض ساعتها مسلمش عليها وبعتت ليه رسالة قبل ما تيجى تعزى وقالت لى أنا عايزة أجى أعزى بس خايفة تقولى أن أنا بأخد اللقطة والرسالة موجودة موضوعها أنتهى بالنسبة لى، وعملت معاها حلقة بناءً على طلبها وجاملتها بربع أجرى وهى اللى جات لحد عندى عشان تصور، وأنا غلطانة إنى سامحتها”.
بعد حلقتى معاها بعتتلى البرومو وكان واضح جدا أنهم مقربين منى الكاميرا جداً وهى بعيدة عنها، ومطلعانى بعيط على والدى فى الحلقة بموسيقي تصويرية وأنا أتضايقت لأنى مبتاجرش بوالدى بعد 60 يوم أنتى جايبانى على أساس عودة الصداقة”.
وأضافت الفنانة ريم البارودى خلال حوارها “قولتلها ليه مصورانى وأنا بعيط والله ما حد هيتعاطف معانا علشان قاصدين لكنها كانت بتوترنى وقالتلى هغيره وبالفعل قالتلى أنها أتفرجت على الحلقة وكانت مش عاجباها قولتلها الحمد لله يبقى ألغيها قالتلى نعيد تانى ونجيلك قولتلها لا ورفضت”.
وتابعت الفنانة ريم البارودي: “بدأنا نشد مع بعض فى التليفون بس أنا أتعلمت علشان متعمليش قواضى تانى، قالتلى الحلقة هتتذاع بكرا قولتلها مبروك وأنا عن نفسى مش هشوفها، وبعدها قالتلى أنتى مشوفتيش التعاطف من الناس للحلقة قولتلها أنا برا مصر وتجاهلت تماما، وبعد كدا نزلتلى صورة بكلب بيطلع لسانه ساعة الحلقة وتجاهلتها برضو وعند الله تجتمع الخصوم.. لأنى سامحتك من قلبى ونسيت الموضوع والإساءة والشتائم وغيرها.

شاهد أيضاً

أحمد العوضى وتصريحات ضرب نار فى برنامج “ع المسرح”

أحمد العوضى وتصريحات ضرب نار فى برنامج “ع المسرح” بقلم/ سماح عبدالغنى حل الفنان #أحمد …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *