جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
الحلو ف بلدنا.
عبدالله رجب ابوعدنان
الحلو ف بلدنا
ملاكنا زي شيطانا
واللي بيسرق اوطانا
نزيد ف احترامه
نركع قدامه
نفرح لافراحة و نحزن لأحزانة
نظيط و نعيط و نتنطط
زي ما يكون الخوف مكهربنا
ارقص واتحزم
اضحك حتى وانت بتتالم
هيص واتكلم
حبيبي يا غالي
أبو مقام عالي
ربنا يعزك
مفردات مهزوزة
ونفس مقطوع
زي حجرين ع الجوزة
واكح والكحة من بين الضلوع
وضحكة صفرة
بجد تستفزك
توصف أحوالنا
زي الخوف م البوكس
كله هجص ف هجص
رص يا سيدي رص
وتتنفس هوا ما اقولكش
ثاني أكسيد الكربون
ف ايدك كلبش
وف همك مسجون
سنين عمرنا ما بتتحسبش
يدوب نرسمها على حيطانا
الحلو ف بلدنا..
عبدالله رجب ابوعدنان
