جريدة الوطن الاكبر الوطن الاكبر ::: نبض واحد من المحيط الى الخليج .. اخبارية — سياسية – اقتصادية – ثقافية – شاملة… نبض واحد من المحيط الى الخليج 
بقلم/ سماح عبدالغنى
لما كانت أمى عايشة
كنت بدفى بنفسها
كنت بشوف الدنيا جنه
كنت بتعافى بحنانها
كنت بشفى من جروحى
لما كانت أمى عايشة
كنت عارفه أنى فى أمان
كان ميخلصش الحنان
كانت منوره حياتنا
والبسمه من عينيه
تنور الدنيا بحالها
لما كانت أمى عايشة
كنت بتونس بصوتها
كنت بتهنى فى حياته
كان القرش زمان بيكفى
والطبطبة منها بتشفى
حتى الدمعة من عيونى
من حنانها كانت بتضحك
لما كانت أمى عايشة
كنت شايفة الدنيا ماشية
كنت ناسية 😥أيوة ناسية
ان فى يوم ممكن تسيبنى
قولتلها أوعى تسيبينى
الدنيا من بعدك يا أمى
دنيا جافه فى أرض قاسية
لما كانت أمى عايشة كنت عايشه
ودلوقتى على قيد الحياة
لكنى يا أمى مش عايشه😥💔 ……
