أمر طارئ…….

#قصيده بالعامية المصرية

بقلم /وحيدعلي الجمال #

أمر طارئ…….
اللي بنا كان وراح واتحسبنا عالجراح.
والدفاتر صفناها جبنا آخر منتهاها.
واتسمحنا واتصلحنا وابتدا بنا البراح.
ليه بتسأل عن دموعي ،
لما دابت فيك شموعي ،
ويه حلمك في رجوعي ،
كله كان ماضي وراح .
ماتحولشي تجيب في سيرتي
واللي شفته في مسيرتي
انت عارف في حياتي كنت ايه ؟
كنت بكره اللي رسمته في عيونك
أحلي شمس .
كنت صوت الحب عالي
كنت نسمه كنت همس
كنت حضني اللي فردته
فوق ليالي العاشقين
كنت أبياتي وشعري والحنين
اللي في قصيدتي
والدفى اللي ضممني من
برودة لهفتي ويه دقات الغروب
غرقانه حبات المطر فانتظارك
والبدر طالل مستخبي في نهارك
لسه مكتوبة في دفاترك
إني آخر حب قابلك
وإن طيفك في خيالي لسه شغلك.
احسب حسابك انت حر فحسباتك.
مش عوزه اسمع تبريراتك.
انت بعت ورحت باعد رغم
انك كنت واعد .
باستحالة الفراق……..
كنت غيرهم كنت بالنسبة لي فارق. أمر طارئ …
وانتظرتك كنت عذرك
رغم جرحك المزيف
قلت يمكن ،
كل البيبان اتقفلت
إلا بابي كان موارب
جملة واقعة من كتابك
قصه مركونة في دولابك
والقصيدة اللي ما بينا ضيعة
مش عوزه تقابلنا لسه حاجة ناقصة فينا بتنادينا
وخده بكرة من ماضينا
نفسي اسمع مرة
صوتك واعتبرني، أمر طارئ…..
وحيد الجمال. جمهورية مصر العربية المنوفية / سرس الليان