أرسم منين

أرسم منين
بقلم رجب أبو الحسن

الوش ده؟
بتقولي ممكن أرسمه؟
طب تاني لو ممكن كده؟
قرار لا يمكن أحسمه..
طب نظرة تاتية…
أو طلتين..
طلي عليا بالعينين..
يا ورطتي م النظرة ديا..
بكفاية نظرة عين عليا..
.ممكن كمان نظرة وداع؟..
يا داهية دقي على النخاع ..
الرسمة فوق المستطاع ..
أنا م البشر…
أيجوز لواحد كان بتاع..
يرسم قمر..
ده أنا كل ما أبدأ رسمتي.
.وأعبر حدود..
الزيت يسيح من ربكتي..
والريشة تسرح في الورود..
لو كان على القدرات أنا..
أنا عندي قدرات تجربدية..
لكن عيونه ملونه..
في النن طاقة فوق عادية..
وتفاح خدود..
من قرص شمس بيتولد..
بزيادة تتهادى..الحسود
الخطوة فوق قلب الولد ..
منين أجيب صبر و جلد..
ومش لاقي ريشة..
من يوم ما طلت لي عينيه..
والكهربا من ألف فيشة..
وتياره عالي مية محطة…
فولتات آلاف
أرسم منين والجهد مهما يزيد بيوطى..
يا ريته رمش العين ما شاف..
أرسم منين..
والعين بنظرة طوحت..
جردل بألوانه الخفاف..
أجيب منين الاحتمال للنظرتين..
والرعشة في عروقي الضعاف.
.كيف أرسمك..
والريق جفاف
كيف أرسمك
وكل ما المح فيك بخاف
كيف أرسمك
وكل ما المح فيك أعود..
كيف أرسمك..
وكل ملمح فيك..
لو يترسم محتاج عقود..
كيف أرسمك
والنظرة من عينك بارود..
وياه ع الخدود..
وجمال ده عود..
ولا النهود..
كيف ارسمك من غير أمل
كيف أرسمك
من غير وقود