أخبار عاجلة

أحمد العوضى وتصريحات ضرب نار فى برنامج “ع المسرح”

أحمد العوضى وتصريحات ضرب نار فى برنامج “ع المسرح”
بقلم/ سماح عبدالغنى
حل الفنان #أحمد #العوضى ضيفاً فى برنامج “ع المسرح” المذاع فى قناة #الحياة” تقديم الإعلامية منى عبدالوهاب..
وكشف الفنان أحمد العوضى عن تفاصيل إنفصاله عن الفنانة ياسمين عبد العزيز وحبه لها، وعن رأيه فى لقب نمبر وان وحب الجمهور له.
أضاف العوضى أن وجود المرأة شئ أساسى فى حياة الرجل.
وأكمل قائلاً “الراجل ميقدرش يعيش من غير ست، هى نصه الثانى، ربنا لما خلق سيدنا آدم خلق معاه حوا”
وأكد خلال حواره “إن حب المراهقين مش أصدق حب فى حياته، وإن أصدق حب كان ياسمين طبعا”.
لافتاً إلى أن ياسمين هى “الحب الحقيقى والوحيد فى حياته” وأسترسل قائلاً:-
أنا عشت معها أحلى أيام حياتى، فيها حب نجاح وأزمات وحروب ومرض كنت جنبها وهى كانت جنبى، أنا لما تعبت بعد ما أطلقنا هى اللى جات ووقفت معايا .. عشت معاها أيام بفترات بمراحل، وهفضل أقول كده علطول مش دلوقتى بس”.
وتابع أحمد العوضى “الست دى عندى فى حياتى حاجة كبيرة جدًا، ياسمين ست جدعة وهتفضل بالنسبة لى حاجة كبيرة فى حياتى، وحبى لها منتهاش، وأتأثرت نفسيًا بعد الإنفصال، وأنا ماتكسفش أقول كده، دى ملهاش علاقة بإنى جامد، فى فرق بين إن الجواز ينتهى، والحب ينتهى “ولا تنسوا الفضل بينكم”، ولسه بقول أن ياسمين عبد العزيز الحب الحقيقى فى حياتى، وإنفصالنا أقدار، ودا قسمة ونصيب، وإنفصالنا كان راقى على قد إحترام الناس لينا وإحترامنا لنفسنا، علشان لما الناس تشوف منك الحاجة الحلوة والسعادة بتبقى قدوة وإننا بنصدر طاقة حلوة”.
“نمبر وان”
أضاف العوضى قائلاً :- عمرى ما كان عندى صراع على “نمبر وان” مفيش رقم واحد فى المطلق، الواحد هو “الله الواحد الأحد”، مفيش حد رقم واحد طول الوقت ومفيش حاجه إسمها كده لأن دى مش عدالة الدنيا، وعمرى مهقولك أنى رقم واحد لأنى مبصدقهاش لأن لو كانت دامت لغيرك مكنتش تجيلك، حب الناس ليا أبرك من نجاحى والغرور هو بداية النهاية، يشغلنى السنة الجاية ابقى أنجح من حق عرب، ويهمنى حب الناس أكتر من النجاح حب الناس هو ده الموضوع، أبقى أقوى واحد والناس تحبنى لأن الناس بتحب القوى.

شاهد أيضاً

معاناة احمد زكي سر موهبته

معاناة احمد زكي سر موهبته أكرم الكراني يظل الفنان الموهوب احمد زكي متصدرا المرتبة الاولي …