،، حوار القرد ،،، ا

الشاعر / سيد تقي
لمحت قرد يتنطط علي شجرة ،
شفت في عينة حزن غريب ،
شاورلي بايدة 100 مره ،
حاولت افهم اشاراتة ،
وليه النظرة مش سارة ،
قريت في عينية كلام يوجع ،
مفهمتش بيقصد ايه ،
انا استغربت من شكله وحركاتة ،
باقول فرحان بيتنطط من الفرحه ،
عمللي اشارة قلت اهرب،
بلاش اهرب وارجع له ،
جايز اكون صعبت عليه ،
سألني القرد سؤال حاير ،
معرفتش ارد عليه ،
ولا فهمتش بيقصد ايه ،
اتاري القرد دا عشيرته مخاصمينه ،
بيتنطط وحيران من محبينه ،
سألني لو مكاني كنت تعمل ايه ؟
جاوبت وكان حاسس بكدبي عليه ،
تسامحهم وتستعطف ،
وتتحمل قسوة كل خلانك ،
ورزالتهم ،
وقسوتهم ،
وكل الظلم ،
وتتنطط وتفرسهم ،
كذبت عليه ،،،
،،، سيد تقي ،،،